लेटाङ,मंगसीर-३।लेटाङ नगरपालिका वडा नम्बर -७ वाराङिमा जारी प्रथम बराहजी कप- २०८१ को आज भएको चौथो दिनको क्वाटर फाईनल खेलबाट ३ टिम नक आउट भएको छ।

आज भएको पहिलो खेलमा लेटाङ एकाडेमी र त्रीबेणी स्पोर्टिङ दमक बिच भएको खेलमा मध्यान्तर अघिनै लेटाङ एकाडेमिको तर्फबाट गोल गर्दै खेललाई अग्रता दिएलाएका थिए। दोस्रो मध्यान्तर पछी पुन अर्को गोल थप्दै लेटाङ एकाडेमि क्वाटर फाईनलको राउण्डबाट छनौट हुँदै सेमि फाईनलका लागि यात्रा सुरक्षीत गरेको छ। भने त्रीबेणी स्पोर्टिङ दमक क्वाटर फाइनलबाट बाहिरिएको छ।

दोस्रो खेल अन्तर्गत हाङ्गम एफ.सी र रमिते बिच भएको खेलमा दुबै टिमबाट निर्धारित समय भित्र दुबै टिमले गोल गर्न सकेन। अतिरिक्त ३ मिनेटको समयमा पनि बराबरिमा खेल टुङ्गिएपछी ट्राई ब्रेकरबाट नतिजा निकालिएको थियो। हाङमले ३-४ अन्तरले रमितेलाई हराउदै सेमि फाइनल प्रबेश गरेको थियो।

यसैगरी आजै सम्पन्न ब्रदर्स कलेक्सन केराबारी र गोर्खा युनाईटेड बिच भएको खेलमा मध्यान्तर अघि ब्रदर्स कलेक्सन केराबारीले २ गोल गर्दै खेललाई अग्रता दिलाएको थियो। मध्यान्तर पछी पुनः २ गोल गर्दै ब्रदर्श कलेक्सन केराबारी क्वाटर फाईनलमा छनौट भएर सेमि फाईनलमा प्रवेश गरेको छ।भने बाई लाईनमा रहेको गोर्खा युनाईटेड खेलबाट नक आउट भएको छ।

यस्तै सेमि फाईनल अन्तर्गतको आज एक खेल भएको छ। सेमि फाईनल पुगेको लुङ्वा एफ.सी र हाङम बिच भएको खेलमा २-० अन्तरले लुङ्वा एफ.सी ले हाङम एफ.सीलाई पराजित गराएको हो।
यससङै लुङ्वा एफ.सी ले फाईनल खेलको यात्र तय गरिसकेको छ।