काठमाडौं । नेकपा (माओवादी केन्द्र)ले एमसीसी सम्झौतासँगै पारित भएको १२ बुँदे व्याख्यात्मक घोषणाबारे अमेरिकाको जवाफ माग्ने निर्णय गरेको छ । हालै सम्पन्न केन्द्रीय समिति बैठकले १२ बुँदे व्याख्यात्मक घोषणाबारे सरकारको तर्फबाट पत्र लेखेर धारणा माग्ने निर्णय गरेको हो ।

माओवादी केन्द्रले १२ बुँदे व्याख्यात्मक घोषणालाई अमेरिकाले स्वीकार नगरे सम्झौता स्वतः खारेज हुने बताएको छ । “नेपालको संघीय संसदबाट एमसीसी सम्झौता अनुमोदन गर्दा १२ बुँदे ब्याख्यात्मक घोषणासहित गरिएको थियो र उक्त घोषणा अमेरिकाले स्वीकरा नगरेको खण्डमा एमसीसी सम्झौता स्वतस् खारेज हुने ब्याख्या संसदमा नै गरिएको थियो । तर अमेरिकाले अहिलेसम्म १२ बुँदे घोषणाका बारेमा कुनै प्रतिकृया दिएको देखिएको छैन”, एमसीसीसीबारे माओवादीले गरेको निर्णयमा भनिएको छ, “तसर्थ नेपाल सरकारले यथाशिघ्र अमेरिकासँग १२ बुँदे घोषणाको सम्बन्धमा उसको धारणा स्पष्ट गर्न माग गर्दै पत्र लेख्नुपर्छ ।”

माओवादी केन्द्रले एमसीसीबारे आम निर्वाचन पछि फोरम सचालन गर्ने पनि निर्णय गरेको छ । पार्टीभित्र एमसीसीबारे मतभेद कायमै रहेको निष्कर्षसहित यस्तो निर्णय गरेको हो ।

त्यस्तै, माओवादीको केन्द्रीय समिति बैठकले एसपीपी अस्वीकार गरिएको जानकारी अमेरिकाले पत्र लेखी औपचारिक रुपमै गराउनुपर्ने निर्णय पनि गरेको छ । एसपीपी राष्ट्रहितमा नभएको निष्कर्षसहित माओवादीले यस्तो निर्णय गरेको हो ।

एसपीपीबारे माओवादी केन्द्रको बैठकको निर्णयमा भनिएको छ, “अमेरिकासँगको सैन्य गठबन्धनको चरित्र अन्तर्निहित एसपीपी सम्झौता नेपालको राष्ट्रिय सार्बभौमिकता, स्वतन्त्र एवम् असंलग्न परराष्ट्र नीति र राष्ट्रिय हित विपरित भएकाले त्यसलाई दृढतापूर्वक अस्वीकार गर्नुपर्दछ भनेर हामो पार्टी, सम्पूर्णं देशभक्त शक्तिहरु र जनताले सशक्त आवाज उठाएपछि सरकारले त्यसलाई अघि नबढाउने निर्णय गरेको छ । राष्ट्रिय सार्वभमिकता एवम् हितका सम्बन्धमा यो सही निर्णय हो । यस सम्बन्धमा सरकारले तत्काल अमेरिकी सरकारलाई पत्र लेखी औपचारिक जानकारी गराइहाल्नु पर्दछ ।”

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय