लेटाङ, मंसिर-१ । प्रथम बराहजि कप-२०८१ नक आउट फुटबल प्रतियोगिताको तेस्रो दिन चार खेल सम्पन्न भएको छ। आज भएको पहिलो खेलमा सौरे एफ.सी र ब्रदर्स कलेक्सन केराबारी बिच प्रतिस्पर्धा भएको थियो। खेल अवधिभर दुबै टिमले गोल गर्न नसकेपछि ट्राईब्रेकरबाट २-३ गोल अन्तरले ब्रदर्स कलेक्सन केराबरी बिजय भएको छ। यसैगरी दोस्रो खेलमा लेटाङ एकाडेमी र त्रीबेणी धनकुटाको प्रतिस्पर्धा भएको थियो।

पहिलो मध्याअन्तर अघिनै लेटाङ एकाडेमिले त्रीबेणी एफ.सी बिरुद्ध २ गोल गर्दै खेललाई अग्रता दिएलाएको थियो। दोस्रो मध्यान्तर पछी फेरि लेटाङ एकाडेमिले १ गोल थप्दै ३ गोल गर्न सफल भएको हो। खेल सकिन केही समय मात्र बाकी रहदा त्रीबेणी एफ.सी धनकुटाले १ गर्दै परी क्वाटरबाट नकआउट भएको छ।

प्री क्वाटरको खेलमा लेटाङ एकाडेमि बिजय हुँदै क्वाटर फाईनलका लागि स्थान सुरक्षीत गर्न सफल भएको छ। तेस्रो खेल अन्तर्गत बि.वाई.सी जाते र खेरुवा एफ.सि बिच भएको खेलमा १-० अन्तरले खेरुवा एफ.सी बिजय भएको थियो। यश सङै खेरुवा एफ.सी क्वाटर फाईनल प्रतिस्पर्धाको लागि स्थान सुरक्षीत गर्न सफल भएको छ।

यस्तै आजै सम्पन्न चौथो खेल अन्तर्गत लुङ्वा एफ.सी र खेरुवा एफ.सि बिच प्रतिस्पर्धा भएको छ। खेलअधिभर दुबै टिमले कुनै गोल गर्न नसकेपछि ट्राई ब्रेकर भएको थियो। ट्राई ब्रेकरबाट ४-३ गोल अन्तरले लुङ्वा एफ.सी बिजय भएको छ। खेरुवा एफ.सी प्री क्वाटर फाईनलवाट बाहिरिएको छ। यस्तै लुङ्वा एफ.सी ले सेमि फाईनलको लागि यात्रा तय गरिसकेको छ। भने आज भएको जम्मा चार खेलबाट चारै टिम नक आउट भएको छ।