काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्डले कांग्रेसले ८० सिटको वरपर सिट पाउने बताएका छन् ।

आज सुदूरपश्चिम प्रदेशको अगुवा कार्यकर्तालाई प्रशिक्षणमा सहभागी हुन जाने क्रममा  कैलालीको गेटा विमानस्थलमा सञ्चारकर्मीसँग प्रचण्डले यस्तो बताएका हुन् ।

कसले कति सिट पाउने तयारी छ भन्ने सञ्चारकर्मीको जिज्ञासामा प्रचण्डले भने, ‘कांग्रेसले शुरुमा १०० सिट भनेको थियो । पछि ८० को वरिपरी आउने सम्भावना बढ्दो छ । हामीले ६० मागेको थियौ । हामी यसको वरपर नै रहन्छौ । एकीकृत समाजवादीले २५ र जसपाले २५ को दाबी गरेको छ । यही वरपर रहेर सिट बाँडफाँट हुन्छ होला ।’

यसअघि बैठकमा नेपाली कांग्रेसले एक सय, नेकपा माओवादी केन्द्रले ६०, नेकपा एकीकृत समाजवादीले ४०, जनता समाजवादी पार्टी नेपालले ३२ र जनमोर्चाले दुई सिटको दाबी गरेका थिए ।

अहिलेको मुख्य विषय निर्वाचन नै भएकोले सत्तारुढ दल तालमेल गरेरै चुनावमा जाने उनको भनाई छ । सिट बाँडफाँट शीर्ष नेताको तहबाट भोलिसम्ममा टुंगो लाग्ने अध्यक्ष प्रचण्डले बताए । ‘सिट, क्षेत्र र प्रदेश एकैसाथ टुङ्ग्याउने भनेर सबै साथीहरु लागिरहनु भएको छ । कार्यदलले आज साँझसम्म प्रतिवेदन दिने भन्ने छ,’ उनले भने, ‘भोलि शीर्ष नेताको तहबाट अन्तिम रुप दिइनेछ । दाबी आफ्नोआफ्नो हुन्छ नै । करिव करिव मिल्ने कुरा नै छ ।’

 

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय