चैनपुर- संखुवासभामा ६ जनाको सामूहिक हत्याकाण्डमा संलग्नको आशंकामा प्रहरीले आरोपी लोकबहादुरका भाइलार्ई पनि नियन्त्रणमा लिएको छ ।
अनुसन्धानका क्रममा मुख्य आरोपी लोकबहादुरका भाइ नरेशमाथि सोधपुछ गर्नुपर्ने देखिएपछि नियन्त्रणमा लिइएको इलाका प्रहरी कार्यालय चैनपुरले जनाएको छ ।
लोकबहादुरले ६ जनाको हत्या गर्दा उनी पनि घटनास्थल आसपासमै रहेको हुनसक्ने प्रहरी अनुमान छ ।मृतक ६ जना मध्ये एक जनाको मोबाइल लोकबहादुरको घरबाट बरामद भएको छ ।
२१ भदौ गते संखुवासभाको मादीमा ८४ वर्षीय पार्वती कार्की, ५२ वर्षीय तेजबहादुर कार्की, ५२ वर्षीया कमला कार्की, तेजबहादुरकी बुहारी ३२ वर्षीया रञ्जना कार्की, नाती ११ वर्षीय दिपेन र नातिनी ७ वर्षीया गोमाको शव क्षतविक्षेत अवस्थामा भेटिएको थियो ।
पक्राउ परेका लोकबहादुरले आफूलाई हेला गर्ने गरेका कारण चिर्पट प्रहार गरेर तेजबहादुरसहित घरका सबैको हत्या गरेको साबिती बयान दिइसकेका छन् ।
प्रहरीले घटनाबारे विभिन्न कोणबाट अनुसन्धान गरिरहेको छ ।
प्रतिक्रिया
सम्बन्धित खवर
