नेपाल पञ्चाङ्ग निर्णायक विकास समितिले यस वर्षको दशैँको टीकाको साइत सार्वजनिक गरेको छ । असोज १९ गते बुधबार बिहान ११ बजेर ५१ मीनेटमा टीकाको उत्तम साइत रहेको समितिले जनाएको छ ।

जसअनुसार बिहान १०ः३४ बजे देवी बिसर्जन गरी ११ः५१ बजे टीका लगाउन उत्तम समय रहेको बताइन्छ । साथै, पूर्वी मोहडा गरेर टीका लगाउनुपर्ने समितिद्वारा आज जारी सूचनामा उल्लेख छ ।

असोज १० गते सोमबारदेखि नवरात्र आरम्भ हुँदैछ । नवरात्रको पहिलो दिन घटस्थापना गरिन्छ । घटस्थापनाका लागि बिहान १० बजेर २३ मीनेटको साइत शुभ रहेको छ ।

त्यस्तै, असोज ११ गते बिहान ११ बजेर ११ मीनेटमा झण्डा फेर्ने, १४ गते पचलीभैरव यात्रा, १६ गते फूलपाती छ । सोही दिन बिहान १० बजेर ५ मीनेटमा तुलजाभवानी यात्राको साइत जुरेको छ ।

तुलजा भवानीलाई स्थिरासनमा राख्ने साइत बिहान ११ बजेर ३५ मीनेटमा रहेको छ । असोज १७ गते महाअष्टमी र १८ गते महानवमी परेको छ । दशैंमा पिङ खेल्ने, चंगा उडाउने र घरपरिवार, आफन्तसँग मिलेर रमाइलो गर्ने गरिन्छ ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय